Türkiyə XİN: “İranla nüvə danışıqları müzakirə olunub”
Dünən Türkiyənin xarici işlər naziri Hakan Fidan İslam Əməkdaşlıq Təşkilatının Ciddədə keçirilən iclası çərçivəsində iranlı həmkarı Abbas Əraqçı ilə görüşüb.
Crossmedia.az xəbər verir ki, bununla bağlı, Fidan jurnalistlərin suallarını cavablandırarkən deyib ki, görüşdə Tehran və Vaşinqton arasında dayanmış nüvə danışıqları müzakirə mövzusu olub.
Fidan jurnalistlərə açıqlamasında bildirib ki, İran Avropa üçlüyü ilə də danışıqlar aparıb. Nazir qeyd edib: “Mən ABŞ dövlət katibi Marko Rubio ilə telefon danışıqları apardım və həmkarımla müzakirələr zamanı Amerika tərəfindən verilən bəyanatlar fonunda yeni gündəmi qiymətləndirmək imkanı əldə etdik”.
11:42 26.08.2025
Oxunuş sayı: 5931
