Pezeşkian: Müsəlmanlar düşmənlərə qarşı bir yumruq kimi birləşməlidir
İran Prezidenti Məsud Pezeşkian İmam Xomeyninin xatirəsinə həsr olunmuş mərasimdə çıxış edərək qonşularla möhkəm münasibətlərin əhəmiyyətini vurğulayıb.
Crossmedia.az xəbər verir ki, dövlət başçısı bildirib: “Tribunadan ağla gələn hər sözü demək və bunu xidmət hesab etmək səhvdir. Ölkədə, müsəlmanlar və qonşular arasında birliyi sarsıdan hər kəlmə xəyanətdir”.
Onun sözlərinə görə, ABŞ və İsrail ölkə daxilində və regionda ixtilaf yaratmağa çalışır: “Biz qonşularla düşmənçilik etməməliyik, onlar bizim qardaşlarımızdır. Müsəlmanlar düşmənlərə qarşı bir yumruq kimi birləşməlidir”.
Pezeşkian əlavə edib: “Ölkə daxilində və ya regionda parçalanma – əslində, müsəlmanların düşməni olan israillilərə xidmət deməkdir. Birlik olduqda onlar müsəlmanlara yuxarıdan baxmağa cəsarət etməzlər”.
Nicat Rüstəmzadə
15:59 25.08.2025
Oxunuş sayı: 1230
