“Ölkəmizin adətən yaşadığı nəzəriyyələr elitalar tərəfindən formalaşdırılıb və yumşaq desək, cəmiyyətə öyrədilib” -Paşinyan
“Tariximiz boyunca yaşadığımız bütün fəlakətləri öyrənərkən, gəldiyimiz nəticə odur ki, biz bir qayda olaraq, heç vaxt tariximizin ritmini beynəlxalq inkişafların ritminə uyğunlaşdıra bilməmişik”.
Crossmedia.az xəbər verir ki, bunu xarici ölkələrdə Ermənistanın diplomatik nümayəndəliklərinin rəhbərlərinin illik iclasında Ermənistanın Baş naziri Nikol Paşinyan deyib.
“Vaşinqtonda baş verənlər o deməkdir ki, bizim siyasətimizin ritmi müəyyən beynəlxalq proseslərlə uyğunlaşıb ki, bu da son dərəcə vacibdir. Bu, bəlkə də bir neçə yüzillikdə bizim beynəlxalq inkişaflara uyğunlaşmaq üçün ilk real və reallığa söykənən imkanımızdır. Bu, son dərəcə vacib bir qeydiyyatdır”, - deyə o bildirib.
Paşinyan qeyd edib ki, onların dövründə nəzəriyyələr elitalar tərəfindən deyil, xalqın şüurunun dərinliyindən formalaşır.
“Bizim ən böyük problemlərimizdən biri o olub ki, ölkəmizin adətən yaşadığı nəzəriyyələr elitalar tərəfindən formalaşdırılıb və yumşaq desək, cəmiyyətə öyrədilib. İndi biz elə bir zamanda yaşayırıq ki, əksinə baş verir: nəzəriyyələr xalqın şüurunda mayalanır, xalqın nümayəndələri tərəfindən formalaşdırılır və həyata keçirilir. Və bu baxımdan çox vacibdir ki, bu prosesin orqanikliyini tam şəkildə qoruyaq”, - deyə o vurğulayıb.
14:37 25.08.2025
Oxunuş sayı: 674
