Xarici xəbərlər

Daşınma zamanı sərt qoşqu elementində nasazlıq yaranıb, təyyarə sürüşüb – DETALLAR

İrəvanın Arşakunyats prospektində “Erebuni” aviabazasında yerləşən rus qırıcı təyyarəsi ilə bağlı gecə baş verən insidentin təfərrüatları məlum olub.

Crossmedia.az xəbər verir ki, bu barədə “Sputnik Ermənistan” məlumat yayıb.

Məlumata görə, razılaşdırılmış quru daşınma zamanı sərt qoşqu elementində nasazlıq yaranıb və təyyarə sürüşüb. Daşınma Ermənistan Daxili İşlər Nazirliyinin patrul xidməti əməkdaşlarının və Müdafiə Nazirliyinin hərbi polisinin müşayiəti ilə həyata keçirilib.

Qeyd edilir ki, görülən tədbirlər nəticəsində yol hərəkəti uzun müddətə bağlanmayıb, təyyarə zərər görməyib, hasara da ziyan dəyməyib. Qoşqu bərpa edildikdən sonra daşınma davam etdirilib.

Xatırladaq ki, saat 02:15 radələrində rus qırıcısı Arşakunyats prospektində dəmir dirəyə, daha sonra barmaqlığa çırpılıb.

🖨 Çap et

17:17 24.08.2025

Oxunuş sayı: 993