KİV: Birləşmiş Krallıq BVF-dən kredit almaq üçün müraciət edə bilər
Kembric Universitetinin professoru Cagjit Çadha bildirib ki, Birləşmiş Krallıq hökuməti iqtisadi problemlərə görə Beynəlxalq Valyuta Fonduna (BVF) kredit üçün müraciət edə bilər.
Crossmedia.az xəbər verir ki, bu barədə "The Daily Telegraph" nəşri məlumat verib.
“Mən elə bir dünyadayam ki, burada bunun (BVF-dən yardım alınmasının) baş verəcəyini təsəvvür edə bilərəm və o halda biz çarəsiz qalacağıq,” – deyə iqtisadçı nəşrə bildirib. “Biz borcları yenidən maliyyələşdirə bilməyəcəyik, pensiya ödənişlərini həyata keçirə bilməyəcəyik, sosial müavinətlərin verilməsi çətinləşəcək,” – deyə, o əlavə edib.
İqtisadçı vurğulayıb ki, Birləşmiş Krallığın iqtisadiyyatı çökmə həddindədir. Çadha hazırkı vəziyyəti 1976-cı ildəki hadisələrlə müqayisə edib. Həmin vaxt London yüksək enerji qiymətləri və sənayeləşmənin zəifləməsi fonunda BVF-dən yardım almaq məcburiyyətində qalmışdı.
11:43 24.08.2025
Oxunuş sayı: 6670
