Türkiyə ABŞ səfirliyinin tikildiyi torpaq sahəsinin satışını qanunsuz saydı
Türkiyə Konstitusiya Məhkəməsi Ankarada ABŞ səfirliyinin yerləşdiyi torpaq sahəsinin satışını qanunsuz elan edib.
Crossmedia.az xəbər verir ki, bu barədə “Sözcü” qəzeti məlumat yayıb.
Məhkəmə bir ay ərzində iddiaya yenidən baxa və səfirlik binasını “qanunsuz tikili” kimi tanıya bilər.
Sözügedən 37 min kvadratmetr sahə paytaxtın Çukurombar rayonunda yerləşir və ABŞ diplomatik nümayəndəliyi tərəfindən 2017-ci ildə əldə olunub.
Məlumata görə, ərazi əvvəllər Türkiyə Cümhuriyyətinin qurucusu Mustafa Kamal Atatürkə məxsus “Meşə təsərrüfatı”nın bir hissəsi olub. Atatürk həmin torpaqları xalqına vəsiyyət etmişdi.
İddia Ankaranın Memarlar Palatasının keçmiş rəhbəri Tezcan Candan tərəfindən qaldırılıb.
Qeyd edək ki, ABŞ sahəni 88 milyon dollara alıb, səfirlik binasının tikintisinə isə əlavə olaraq 580 milyon dollar xərcləyib.
Xumar Emilqızı
10:17 24.08.2025
Oxunuş sayı: 913
