Ağrı vilayətində erməni zabit qəza törədib
Avqustun 22-də Ermənistanda, Ağrı vilayətində yol-nəqliyyat hadisəsi baş verib.
Crossmedia.az xəbər verir ki, saat 17:10 radələrində “Opel” markalı avtomobil İrəvan-Arazdəyən avtomobil yolunun Artaşat şəhərinə girişində, körpünün yaxınlığında yolayrıcıdan çıxaraq torpaq yığınlarına, daşlara çırpılıb və dərəyə düşüb.
Məlumata görə, qəza nəticəsində sürücüyə ilk olaraq sakinlər kömək ediblər.
Sakinlərin verdiyi məlumata əsasən, Ermənistan Daxili İşlər Nazirliyinin xilasetmə xidmətinin Artaşat yanğın-xilasetmə dəstəsinin xilasediciləri hadisə yerinə çatıblar. Sürücü “Artaşat” Tibb Mərkəzinə aparılıb, orada zəruri tibbi yardım aldıqdan sonra Ermənistan Müdafiə Nazirliyinin İrəvandakı “Muratsan” hərbi hospitalına köçürülüb.
Qəza faktı ilə bağlı istintaq idarəsində cinayət işi açılıb və sürücünün şəxsiyyəti müəyyənləşdirilir.
Məlumata görə, sürücü Ermənistan Müdafiə Nazirliyinin “N” saylı hərbi hissəsində qulluq edir, zabitdir.
09:26 24.08.2025
Oxunuş sayı: 4791
