Rostovda “Xüsusi Hərbi Əməliyyat” iştirakçısı ömürlük həbsə məhkum edilib
Rusiya şəhəri Rostov-na-Donuda məhkəmə Ruslan Şingireyi 8 yaşlı qıza qarşı törətdiyi ağır cinayətə görə ömürlük azadlıqdan məhrumetmə cəzasına məhkum edib. O, uşağın oğurlanması, zorlanması, seksual xarakterli zorakı hərəkətlər və qətlə yetirilməsində təqsirli bilinib.
Crossmedia.az xəbər verir ki, 2024-cü ilin mayında Aksay rayonunun Olqinskaya stanitsasında Şingirey mağazadan evinə qayıdan qızı görüb. Onu “evə aparmaq” bəhanəsi ilə maşına mindirərək meşə zolağına aparıb, orada zorlayıb və başına paket keçirərək boğub.
İctimaiyyət arasında belə şəxslərin vətənə geri dönməsinin təhlükəli nəticələri ilə bağlı narahatlıqlar səslənir. Cəmiyyətdə, həmçinin, bu kimi məhkumların vətəndaşlıqdan məhrum edilməsi və ölkədən çıxarılması ilə bağlı müzakirələr də gedir.
Nicat Rüstəmzadə
19:04 23.08.2025
Oxunuş sayı: 4156
