SOCAR və Çinin CC7 şirkəti əməkdaşlıq perspektivlərini müzakirə ediblər
SOCAR-ın prezidenti Rövşən Nəcəf Çin Milli Kimya Mühəndisliyi və İnşaat Korporasiyasının (CC7) İdarə Heyyətinin sədri Long Haiyangın başçılıq etdiyi nümayəndə heyəti ilə görüşüb.
Crossmedia.az
xəbər verir ki, bu barədə SOCAR məlumat yayıb.
Məlumata
görə görüşdə SOCAR-ın enerji sektoru üzrə fəaliyyət istiqamətləri, Azərbaycanda
və xarici ölkələrdə həyata keçirdiyi strateji layihələr barədə məlumat verilib.
Azərbaycan və üçüncü ölkələrdə neft və neft-kimya sənayesi sahəsində mümkün əməkdaşlıq
imkanları müzakirə edilib.
Qeyd
edək ki, CC7 Çinin ən böyük EPC podratçılarından biri olan CNCEC-in törəmə şirkətidir.
1964-cü ildə əsası qoyulmuş və baş ofisi Çenqdu şəhərində yerləşən CC7 Asiya,
Yaxın Şərq və Afrikada kimya və qeyri-kimya sektorlarında fəaliyyət göstərir.
19:22 21.08.2025
Oxunuş sayı: 1148
