“Ermənistanda parlament müxalifəti heç bir halda siyasi proseslərə təsir göstərə bilməz” - İskəndaryan
“Ermənistanda parlament müxalifəti hər hansı siyasi proseslərə təsir göstərmək üçün zəruri resurslara malik deyil”.-bunu erməni politoloq Aleksandr İskəndaryan deyib.
Crossmedia.az xəbər verir ki, onun sözlərinə görə, hətta birləşsə belə, parlament müxalifəti heç bir halda Ermənistan daxilində və onun hüdudlarından kənarda baş verən siyasi proseslərə təsir göstərə bilməz.
“Xüsusilə, söhbət Azərbaycanla əvvəlcədən imzalanmış sülh sazişinin imzalanmasından gedir. Nəzəri cəhətdən, bizim bir ildən sonra və hətta daha tez seçkilərimiz var. Müxalifət, əgər siyasi qərarların qəbuluna təsir etmək istəyirsə, müvafiq sayda səs toplamalıdır. Amma çətin ki, bunu edə bilsin. Ən azından bu günə baxsaq”, - deyə İskəndaryan izah edib.
Erməni politoloq bildirib ki, müxalifətin təsir göstərmək üçün başqa alətləri yoxdur: “Bacardıqlarını edirlər. Məsələn, onlar hakimiyyətlə razılaşmırlar. Bu isə normaldır. Bəli, istənilən müxalifət mövcud hakimiyyət partiyası ilə razı olmur... İndi, avqust ayında, baş verənlərdən sonra, Ermənistan daxilində, cəmiyyətdə ciddi narazılıqlar yaratmaq... Düşünmürəm ki, bunun üçün onların böyük imkanları var. Ən azından siyasi reallığı dəyişdirə biləcək narazılıqlar yaratmaq üçün... Belə ki, necə deyərlər, “Pianistə atəş açmayın. O, əlindən gələni edir”.
17:14 14.08.2025
Oxunuş sayı: 6731
