Ukrayna Krımda mühüm əhəmiyyət keçirib
Bu gecə Ukrayna Təhlükəsizlik Xidmətinin (UTX) xüsusi təyinatlı bölməsi (Mərkəzi Xüsusi Əməliyyatlar «A») Krımda yerləşən əsas Rusiya hərbi aviabazasına hücum edib.
Crossmedia.az xəbər verir ki, bu barədə "RBK-Ukrayna" Təhlükəsizlik Xidmətinə istinadən məlumat yayıb.
Avqustun 4-nə keçən gecə UTX-nin "A" xüsusi bölməsinin pilotsuz uçuş aparatları Krımda yerləşən “Saki” hərbi aerodromuna uğurlu zərbə endirib. Bu baza Rusiya Hərbi Hava Qüvvələrinin Qara dənizdəki əməliyyatları üçün əsas mərkəz sayılır.
Hücum nəticəsində aviasiya silahlarının saxlandığı anbar və beş hərbi təyyarə zədələnib. Onlardan biri — Su-30SM qırıcı təyyarəsi tamamilə məhv edilib, eyni tipdən olan digər bir təyyarə isə zədələnib. Bundan əlavə, üç ədəd Su-24 bombardmançı təyyarəsi də yanğından zərər görüb.
Təxminlərə görə, bir ədəd Su-30SM təyyarəsinin dəyəri 35–50 milyon ABŞ dolları arasında dəyişir. Bu səbəbdən vurulan ziyan əhəmiyyətli sayılır.
17:56 04.08.2025
Oxunuş sayı: 762
