Rusiya və Ukrayna gecə boyu zərbələr həyata keçirib
25 iyul gecə saatlarında Rusiya Şərqi və Mərkəzi Ukraynaya qarşı raketlər, dronlar və aviasiya bombalarından istifadə etməklə genişmiqyaslı hücum həyata keçirib.
Crossmedia.az xəbər verir ki, bu barədə xarici KİV yazıb.
Hücumlara Xarkov, Dnepro, Kamenskoe və Zaporojye şəhərləri məruz qalıb — yaşayış binaları və infrastruktur zədələnib, ölən və yaralananlar var. Kamenskoedə ticarət mərkəzi yanmağa başlayıb.
Eyni zamanda, səhər saat 5 radələrində dörd pilotsuz uçuş aparatı (PUA) Rusiyanın Stavropol vilayətinə hücum edib.
Qeyd edək ki, Ukrayna Silahlı Qüvvələri Rus ordusu üçün radio-elektron mübarizə sistemləri istehsal edən “Siqnal” zavoduna da zərbə endirib.
Xumar Emilqızı
13:11 26.07.2025
Oxunuş sayı: 5277
