Sarayevoda Ermənistanın mina müharibəsinə dair sərgi açılıb
Azərbaycanın “Gilavar Foto Klubu” İctimai Birliyi BMT-nin 18-ci Dayanıqlı İnkişaf Məqsədi kimi “minasız dünya” məqsədinin elan olunması təşəbbüsünə dəstək məqsədilə başladığı beynəlxalq kampaniyanı Sarayevoda davam etdirib.
Crossmedia.az xəbər verir ki, 2026-cı il oktyabrın 11-də Bosniya və Herseqovinanın paytaxtı Sarayevonun mərkəzində yerləşən Qurtuluş meydanında Ermənistanın Azərbaycana qarşı mina müharibəsinə həsr olunmuş sərgi təşkil edilib.
Ekspozisiyada mina hadisələrindən zərər çəkmiş azərbaycanlıların həyat hekayələrini və partlayışların ağır nəticələrini əks etdirən sənədli fotolar nümayiş etdirilib.
Qeyd edək ki, bundan əvvəl Cenevrədə, BMT-nin Avropa ofisinin yerləşdiyi “Millətlər Sarayı” meydanında da eyni mövzuda sərgi keçirilib.
“Gilavar Foto Klubu” İctimai Birliyi Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyi və Qarabağ Dirçəliş Fondunun ANAMA ilə tərəfdaşlıq çərçivəsində elan etdiyi “Mina və partlamamış hərbi sursatlar probleminə dair təşəbbüslər” qrant müsabiqəsinin 2026-cı il üzrə qalibi olub.
21:45 12.10.2026
Oxunuş sayı: 48
