Rusiyanın Gümrüdəki 102-ci hərbi bazası gücləndirilir
Gümrüdə yerləşən 102-ci Rusiya hərbi bazasının son həftələrdə ciddi şəkildə gücləndirildiyi bildirilir.
Crossmedia.az xəbər verir ki, baza ərazisinə çoxlu sayda hərbi texnika və sursat daşınır. Hər gün bir neçə yük təyyarəsi Gümrüdə eniş edərək hərbi yükləri bazaya çatdırır:
“Bu silah-sursat tədarükünün konkret məqsədi hələlik bilinmir. Lakin bir sıra ehtimallar səsləndirilir. Onlardan biri budur ki, Rusiya regional vəziyyətdə mümkün dəyişikliklərə hazırlaşır. Baxmayaraq ki, rəsmi Moskva Ermənistanı tərk etmək məsələsində hələlik sakit mövqe nümayiş etdirir, bu hərəkətlər fərqli planların mövcudluğuna işarə edə bilər”.
Qeyd edək ki, Ermənistan hakimiyyəti baş verənlərdən xəbərdardır, lakin məsələ ilə bağlı ictimaiyyətə hər hansı açıqlama verilmir.
Fidan Xəlilova
11:16 26.07.2025
Oxunuş sayı: 10201
