Ruben Rubinyan: “Erməni kilsəsini andını pozanlardan və terror tərəfdarlarından qorumaq lazımdır”
Bu gün Ermənistan parlamentinin vitse-spikeri Ruben Rubinyan hüquq-mühafizə orqanlarını ölkənin Apostol Kilsəsini “andını pozanlar və terror tərəfdarlarından” qorumağa çağırıb.
Crossmedia.az xəbər verir ki, bu barədə erməni KİV-ləri məlumat yayıb.
Rubinyan sosial şəbəkə paylaşımında Ermənistanın Apostol Kilsəsinin başçısı Qaregin II-ni (Ktrich Nersisyan) və onun tərəfdarlarını tənqid edərək bildirib:“Ktrich Nersisyanı və onu dəstəkləyən qrupu anti-kilsə, qanunsuz kampaniyadan imtina etməyə və and pozuntusu, eləcə də bəzi din xadimlərinin terror və çevriliş planlarında iştirakına görə Apostol Kilsəsinin qarşısında yaranmış ciddi problemlərin həllinə yönəlməyə çağırırıq.
Eyni zamanda, aidiyyəti kilsə qurumlarına və ruhanilərə bu anti-kilsə prosesinin qarşısını almaq üçün bütün zəruri və qanuni tədbirləri görməyə çağırırıq.
Xalqımızın Ana Kilsəyə olan sevgisini və sədaqətini, müqəddəs relikviyalarımızı andını pozanlardan və terror tərəfdarlarından qorumaq əzmini yüksək qiymətləndiririk.
Xalqımızın övladlarını Ktrich Nersisyan və onun tabeliyində olan bəzi şəxslərin provokasiyalarına uymamağa, ayıq-sayıqlıq və sağlam düşüncə nümayiş etdirməyə, dua və inamla bu çətin sınaqlar qarşısında birləşməyə çağırırıq.
Katolikosata — Ucalıq!” — deyə Rubinyan qeyd edib.
Xumar Emilqızı
15:23 22.07.2025
Oxunuş sayı: 614
