Xarici xəbərlər

İsrail və HƏMAS arasında atəşkəslə bağlı danışıqlar həlledici mərhələyə daxil olur

İsrail və HƏMAS arasında atəşkəslə bağlı aparılan danışıqlarda növbəti günlər həlledici olacaq. Yeni razılaşma çərçivəsində İsrail tərəfi daha 10 girovun azad edilməsinə və həlak olanların cəsədlərinin qaytarılmasına ümid edir.

Crossmedia.az TASS-a istinadən bildirir ki, bu barədə İsrail Xarici İşlər Nazirliyindəki mənbə məlumat yayıb.“Hazırda HƏMAS-la atəşkəsə dair razılaşma əldə olunması üzrə danışıqlar aparılır. Növbəti günlər həlledici olacaq. Ümid edirik ki, HƏMAS bu razılaşma çərçivəsində 10 girovu azad edəcək və həlak olanların bir hissəsinin cəsədlərini qaytaracaq”.

Eyni zamanda, İsrail tərəfi HƏMAS-la danışıqların uğursuz nəticələnəcəyi təqdirdə, Qəzzada hərbi əməliyyatların daha da güclənəcəyini istisna etmir. “Əgər razılaşma əldə olunmasa, hərbi planda vəziyyət eyni qalacaq, bəlkə də daha da pisləşəcək”, – deyə mənbə bildirib.