Türkiyə yenidən Rusiya və Ukraynanı bir araya gətirir
Türkiyə bu həftə beynəlxalq diplomatiyada fəal rolunu bir daha nümayiş etdirir.
Crossmedia.az bildirir ki, İstanbulda keçiriləcək yüksək səviyyəli görüşlər regionun və dünyanın gələcəyinə təsir göstərə biləcək mühüm məsələlərin müzakirəsinə həsr olunacaq:
“Danışıqlardan biri İranın nüvə proqramına dair olacaq. Görüşdə Böyük Britaniya, Fransa və Almaniya nümayəndələrinin iştirakı nəzərdə tutulur. Tərəflər nüvə sazişinə qayıdış və Yaxın Şərqdə gərginliyin azaldılması imkanlarını müzakirə edəcəklər”.
Bundan əlavə, İstanbulda Rusiya və Ukrayna nümayəndələri arasında sülh məsləhətləşmələri keçiriləcək:
“Danışıqlarda atəşkəsin əldə olunması və humanitar dəhlizlərin yaradılması məsələləri əsas müzakirə mövzuları olacaq. Türkiyə bu prosesdə neytral vasitəçi və təminatçı ölkə kimi çıxış edir”.
15:28 21.07.2025
Oxunuş sayı: 7490
