Brüssel İranı BAEA ilə əməkdaşlığı bərpa etməyə çağırır
Avropa İttifaqının xarici siyasət və təhlükəsizlik üzrə sözçüsü Ənvər əl-Anuni bəyan edib ki, Avropa İttifaqı İranı nüvə proqramı probleminin danışıqlar yolu ilə həlli istiqamətində, diplomatik səylər çərçivəsində Atom Enerjisi üzrə Beynəlxalq Agentliklə əməkdaşlığı bərpa etməyə çağırır.
Crossmedia.az xəbər verir ki, Əl-Anuni bu barədə cümə günü "Əl-Ərəbiyyə" kanalına açıqlamasında danışıb.
”İrana qarşı beynəlxalq sanksiyaların bərpası, o cümlədən tətik mexanizminin işə salınması üç Avropa ölkəsi - Fransa, Almaniya və İngiltərənin məsuliyyətidir, çünki bu səlahiyyət onların əlindədir”-deyə o qeyd edib.
12:45 21.07.2025
Oxunuş sayı: 6913
