Küveyt Bayraktar TB2-ləri rəsmi şəkildə silahlanmaya daxil etdi
Küveyt Türkiyədən aldığı Bayraktar TB2 zərbə tipli pilotsuz uçuş aparatlarını (PUA) rəsmi şəkildə silahlanmaya daxil edib. Bu PUA-lar Səlim əs-Sabah aviabazasında yerləşdirilib. Rəsmi qəbuletmə mərasimi Küveytin müdafiə naziri şeyx Abdullah əs-Sabahın iştirakı ilə keçirilib.
Crossmedia.az bildirir ki, Bayraktar TB2-lər Küveytin kəşfiyyat və müdafiə qabiliyyətlərini gücləndirəcək, ölkənin hərbi modernizasiya planlarının bir hissəsinə çevriləcək. Regionda mövcud qeyri-sabitlik fonunda bu addım strateji əhəmiyyət daşıyır.
Bayraktar TB2 artıq müxtəlif münaqişə zonalarında özünü yüksək dəqiqlikli zərbələr və hava kəşfiyyatı üçün effektiv vasitə kimi sübut edib. Türkiyə ilə bu sahədə əməkdaşlıq Ankaranın Fars Körfəzi ölkələri ilə artan müdafiə əlaqələrinin göstəricisidir.
Mehriban Yariyeva
10:09 21.07.2025
Oxunuş sayı: 564
