İsrail Qəzzada 1 milyon uşaq daxil olmaqla, mülki əhalini aclığa məhkum edib - BMT
Birləşmiş Millətlər Təşkilatının Fələstinli Qaçqınlara Yardım Agentliyi (UNRWA) xəbərdarlıq edir: Qəzza zolağında humanitar fəlakət dərinləşir.
Crossmedia.az xəbər verir ki, Agentliyin yaydığı bəyanatda bildirilir ki, İsrailin tətbiq etdiyi ağır mühasirə nəticəsində bölgədə ərzaq və tibbi ləvazimat çatışmazlığı kritik həddə çatıb. Ən ağır vəziyyətdə olanlar isə uşaqlardır – təxminən 1 milyon uşaq aclıq və xəstəlik təhlükəsi ilə üz-üzədir.
Agentlik beynəlxalq ictimaiyyəti dərhal müdaxiləyə çağıraraq, mühasirənin qaldırılmasını və yardım karvanlarının bölgəyə buraxılmasını tələb edir.
Agentlik vurğulayır ki, insan həyatının xilas olunması üçün vaxt getdikcə azalır. "Qəzza sakinləri – qadınlar, uşaqlar, yaşlılar – elementar insan hüquqlarından məhrum ediliblər. Bu, sadəcə humanitar böhran deyil, eyni zamanda vicdanın sınağıdır", – bəyanatda deyilir.
19:57 20.07.2025
Oxunuş sayı: 5865
