Rusiya Ukraynaya qarşı müharibənin ən güclü hücumunu həyata keçirib
Politico-nun məlumatına görə, Rusiya ötən gecə Ukraynaya qarşı müharibə başlayandan bəri ən irimiqyaslı hücumunu gerçəkləşdirib. Altı saat davam edən hücum zamanı ümumilikdə 537 raket və pilotsuz uçuş aparatı istifadə olunub.
Crossmedia.az xarici mediaya istinadən xəbər verir ki, Ukrayna Hərbi Hava Qüvvələrinin açıqlamasına əsasən, onlardan 475-i havada məhv edilib. Hücum nəticəsində Ukraynanın F-16 qırıcılarından birinin pilotu həlak olub. Qərb müttəfiqləri tərəfindən verilən bu müasir döyüş təyyarələri, Ukraynanın hava hücumlarından müdafiəsi üçün əsas vasitə hesab olunur.
Hücumun təsiri region ölkələrinə də yayılıb. Qonşu Polşa, Ukraynada baş verən intensiv raket və PUA hücumlarına cavab olaraq öz döyüş təyyarələrini və yerüstü hava hücumundan müdafiə bölmələrini tam döyüş hazırlığı vəziyyətinə gətirib.
14:55 29.06.2025
Oxunuş sayı: 643
