Fox News: “İsrail Evin zindanına hücumdan əvvəl məhbusların azad olunması barədə xəbərdarlıq edib”
ABŞ-nin “Fox News” telekanalı məlumat verib ki, İsrail Evin həbsxanasına hücumdan əvvəl məhbusların azad olunması ilə bağlı xəbərdarlıq edib.
Crossmedia.az xəbər verir ki, məlumat Evin həbsxanasının rəhbəri Hidayətullah Fərzadinin oğlu Əmir Hüseyn Fərzadiyə istinadən yayılıb.
Məlumata görə, İsrail rəsmiləri Əmir Hüseyn Fərzadi ilə əlaqə saxlayaraq, atasına zindan qapılarını açıb siyasi məhbusları azad etməli olduğunu çatdırmasını istəyiblər. Bildirilib ki, bir neçə dəqiqə sonra həbsxanaya hücum həyata keçiriləcək.
Əmir atasına bu barədə məlumat verərək onun təhlükəsizliyini soruşub. İsrail rəsmisi cavabında bildirib ki, o, bu mesajı çatdırmaq və atasını razı salmaq şərti ilə sağ qalacaq və ona heç bir zərər verilməyəcək.
Lakin qeyd olunub ki, həbsxana rəhbəri xəbərdarlığa baxmayaraq zindan qapılarını açmayıb və hadisə zamanı qaçıb.
14:25 29.06.2025
Oxunuş sayı: 584
