Türkiyə Liviyanın dəniz bölgəsində geoloji tədqiqatlar aparacaq
Türkiyənin TPAO şirkəti Liviyanın dörd dəniz bölgəsində geoloji və geofiziki tədqiqatlar aparacaq.
Crossmedia.az xarici KİV-ə istinadən xəbər verir ki, saytına istinadla xəbər verir ki, bununla bağlı İstanbulda Liviyanın Milli Neft Şirkəti ilə Türkiyənin TPAO şirkəti arasında anlaşma memorandumu imzalanıb.
Liviya şirkəti açıqlamasında bildirib ki, ikiölçülü seysmik tədqiqatın (10.000 kilometr uzunluğu üzrə) aparılması və əldə edilən məlumatların maksimum 9 ay ərzində işlənməsi ilə bağlı müzakirələr baş tutub.
Qeyd olunur ki, bir neçə gün əvvəl Liviyanın beynəlxalq səviyyədə tanınan hökuməti Yunanıstanın Kritin cənubundakı dəniz ərazilərində karbohidrogen kəşfiyyatı ilə bağlı beynəlxalq tenderləri təsdiqinə etirazını bildirib və bu ərazilərin bəzilərini “mübahisəli dəniz ərazilərinin əhatə dairəsinə” aid edib.
Milli Birlik Hökumətində Xarici İşlər və Beynəlxalq Əməkdaşlıq Nazirliyi Yunanıstan tərəfinin beynəlxalq tender elanı ilə bağlı xəbərləri ilə bağlı "ciddi narahatlığını" ifadə edib. Liviya Yunanıstanla olan bu problemi 2019-cu ildə Türkiyə ilə dəniz sərhədlərinin müəyyənləşdirilməsi ilə bağlı imzaladığı anlaşma memorandumu əsasında həll etmək istəyir. Yunanıstan bu sənədi tanımadığını bildirib. Həmin dövrdə sənədi ratifikasiyadan imtina etmiş Şərqi Liviyadakı parlament bu yaxınlarda sənədə yenidən baxmaq üçün texniki komissiya yaratmaq qərarına gəlib.
08:17 29.06.2025
Oxunuş sayı: 8603
