Belçika kralı ölkəsinə qayıda bilmir
Belçika Kralı Filipp, Kraliça Mathilde və rəsmi nümayəndə heyəti rəsmi səfər üçün getdikləri Çilidə təyyarə nasazlığı səbəbindən ölkəyə qayıda bilməyiblər.
Crossmedia.az xarici KİV-ə istinadən xəbər verir ki, Antofaqasta hava limanında Portuqaliya şirkətinə məxsus Airbus A340-300 təyyarəsinin təkərlərində problem yaranıb və ehtiyat hissələrin çatışmazlığı səbəbindən kral və heyəti Çilidə qalmalı olub.
Qeyd edək ki, bu, eyni təyyarədə ikinci texniki nasazlıqdır. Belçika xarici işlər naziri Maxime Prevot məsələni “ölkə imici üçün utancverici” adlandırıb və məsul şirkətə qarşı araşdırma aparılacağını bildirib.
Kral Filipp və heyətinin bazar günü Belçikaya dönəcəyi gözlənilir.
05:41 29.06.2025
Oxunuş sayı: 8647
