Bu ölkədə fövqəladə vəziyyət elan edildi
Çinin cənub-qərbindəki Quizhou əyalətində davam edən güclü yağışlar nəticəsində yaranan sel fəlakəti səbəbilə bölgədə yenidən fövqəladə vəziyyət elan edilib.
Crossmedia.az xəbər verir ki, iyunun 24-dən etibarən yağan leysan yağışları 80 mindən çox sakinin təxliyəsinə səbəb olub. Xüsusilə Çiendongnan Miao və Donq Muxtar Prefekturasının Ronciang qraflığından keçən Duliu çayında suyun səviyyəsi daşqın üçün kritik həddi – 251,5 metri keçərək 253,5 metrə çatıb.
Bununla əlaqədar fövqəladə vəziyyətin səviyyəsi yenidən ən yüksək – 1-ci dərəcəyə yüksəldilib.
Təbii fəlakət nəticəsində bölgədə yollar, körpülər, rabitə və enerji infrastrukturu ciddi ziyan görüb, altı nəfərin həyatını itirdiyi bildirilib.
Hazırda ərazidə axtarış-xilasetmə və bərpa işləri davam etdirilir. Rəsmilər əhalini ehtiyatlı olmağa və təhlükəsizlik tədbirlərinə ciddi şəkildə əməl etməyə çağırıb.
03:37 29.06.2025
Oxunuş sayı: 6498
