ABŞ-İsrail hava zərbələri İranda “nüvə bombasının açarını” məhv edib
ABŞ və İsrailin İranın İsfahan şəhərində yerləşən nüvə obyektinə endirdiyi hava zərbələri ölkənin nüvə silahı proqramına ciddi zərbə vurub.
Crossmedia.az “The New York Times” qəzetinə istinadən xəbər verir ki, hücum nəticəsində zənginləşdirilmiş uranın metal formaya çevrilməsində istifadə edilən və nüvə başlığının hazırlanmasının son mərhələsində həyati əhəmiyyət kəsb edən avadanlıqlar məhv edilib.
Ekspertlər bu avadanlığı İranın “nüvə bombasının açarı” kimi qiymətləndirirlər.
Məqalədə qeyd olunur ki, ABŞ prezidenti Donald Trampın 2018-ci ildə İranla nüvə sazişindən çıxmasından sonra Tehran İsfahan obyektindəki nüvə fəaliyyətlərini sürətləndirib. Hava zərbələri isə İranı yaxın perspektivdə nüvə silahı istehsal etmək imkanından məhrum edib.
BMT-nin keçmiş nüvə müfəttişi Devid Olbrayt bildirib ki, İran bu infrastrukturu tamamilə yenidən qurmalı olacaq. Onun sözlərinə görə, bu zərbə ölkənin nüvə planlarına nəzərəçarpacaq dərəcədə gecikmə gətirəcək.
Aybəniz Səfərova
00:30 29.06.2025
Oxunuş sayı: 897
