İranda İsrailin aviazərbələri nəticəsində həlak olanlar dəfn edilir
İsrailin hava hücumları nəticəsində həlak olan İranın yüksək rütbəli hərbçiləri, nüvə alimləri və mülki şəxslər üçün Tehranda kütləvi dəfn mərasimi təşkil olunub.
Crossmedia.az xəbər verir ki, paytaxt Tehranda keçirilən mərasimdə Baş Qərargah rəisi general-mayor Məhəmməd Hüseyn Baqeri də daxil olmaqla ümumilikdə 60 nəfər dəfn olunub.
Onların sırasında yüksək rütbəli komandirlər, nüvə sahəsində çalışan alimlər və bir neçə mülki şəxs də olub.
Səhər saatlarında qılınan cənazə namazı ilə başlayan mərasimə İran Prezidenti Məsud Pezeşkian, hökumət nümayəndələri, ordu rəhbərliyi və digər yüksək rütbəli rəsmilər qatılıb.
Mərasimdə on minlərlə insan iştirak edib. Əllərində İran bayraqları və matəmi simvolizə edən qara bayraqlar tutan izdiham dualar oxuyub, mərsiyələr səsləndirib.
Aybəniz Səfərova
21:00 28.06.2025
Oxunuş sayı: 7903
