Dünya narkotik hesabatı: Ən çox kokain istifadə edən iki ölkə açıqlandı
Birləşmiş Millətlər Təşkilatının (BMT) 2025-ci il üçün yayımladığı “Dünya Narkotik Hesabatı”nın nəticələrinə əsasən, dünya üzrə əhali nisbətinə görə ən çox kokain istifadə edən ölkələr Avstraliya və Yeni Zelandiya olub.
Crossmedia.az xəbər verir ki, BMT-nin Narkotiklər və Cinayətlərlə Mübarizə İdarəsinin (UNODC) 2023-cü ilə aid məlumatlarına əsaslanan hesabatda, kokain istehlakının ən çox Amerika qitəsində müşahidə olunduğu bildirilsə də, nüfusa görə ən yüksək istifadə səviyyəsi Avstraliya və Yeni Zelandiyada qeydə alınıb.
Məlumata görə, Avstraliya və Yeni Zelandiyada 15–64 yaş arasında olan əhalinin 3 faizi 2023-cü ildə kokain istifadə edib. Bu rəqəm Amerika qitəsindəki istifadə səviyyəsinin təxminən iki, Avropa ölkələrinin isə təxminən üç qatıdır.
Hesabatda qeyd olunur ki, 2023-cü ildə dünyada 3 700 ton saf kokain istehsal olunub, bu da əvvəlki illə müqayisədə 34 faiz artım deməkdir. Uyuşdurucu qaçaqmalçılığı marşrutları isə əvvəlki illərdən fərqli olaraq daha da şaxələnərək Afrika, Asiya və Avstraliya istiqamətində genişlənib.
Artıq narkotik daşınmalarının yalnız Avropa və Şimali Amerika kimi əsas bazarlarla məhdudlaşmadığı, qlobal miqyasda yayılmağa başladığı vurğulanır.
Mədinə Cəlilova
02:00 28.06.2025
Oxunuş sayı: 676
