İsrail müdafiə nazirindən ŞOK AÇIQLAMA: "İrana yenidən hücum edəcəyik..."
İsrail Müdafiə Nazirliyi İranın regional fəaliyyətlərinə qarşı yeni planlar hazırlayır.
Crossmedia.az xəbər verir ki, müdafiə naziri İsrael Kats açıqlamasında İsrail ordusuna hava üstünlüyünün qorunması, İranın nüvə silahı və raket proqramlarının qarşısının alınması, eləcə də İsrailə qarşı terror fəaliyyətinə dəstəyə cavab tədbirləri üzrə plan təqdim edilməsi üçün göstəriş verdiyini bildirib.
Nazir İranın ali dini lideri Əli Xameneini hədəfə alaraq, ehtiyatlı davranmalı olduğunu qeyd edib:
“Tehrandan olan dişsiz ilana (Xamenei – red.) başa düşməyi və daha ehtiyatlı olmağı tövsiyə edirəm. “Yüksələn Aslan” əməliyyatı İsrailin yeni təhlükəsizlik siyasətinin sadəcə başlanğıcı idi. Artıq heç kimin toxunulmazlığına zəmanət vermirik”.
Qeyd edək ki, İsrail tərəfi aprel ayında İranın hərbi obyektlərinə cavab zərbələri endirmiş və bu əməliyyata “Səhər Şiri” adı vermişdi. Bu çərçivədə bölgədə artan gərginlik fonunda Təl-Əviv yeni strateji hərbi planlarını davam etdirmək niyyətindədir.
Aybəniz Səfərova
21:53 27.06.2025
Oxunuş sayı: 9832
