İbtidai sinif müəllimləri riyaziyyatdan imtahan verməlidir - Təklif
Son illərdə təhsil sistemində baş verən dəyişikliklər və islahatlar fonunda ali məktəblərə qəbul imtahanlarının nəticələri cəmiyyətin diqqət mərkəzindədir. Dövlət İmtahan Mərkəzinin rəhbəri Məleykə Abbaszadənin “Riyaziyyat fənni üzrə nəticələr aşağıdır” açıqlaması isə bu sahədəki ciddi boşluqları bir daha gündəmə gətirib. Riyaziyyat fənnində nəticələrin zəifliyi təkcə şagirdlərin hazırlığı ilə deyil, bütövlükdə tədris sistemindəki problemlərlə bağlıdır. Artıq bu vəziyyətin dərinləşməsinin qarşısını almaq və keyfiyyətli nəticələr əldə etmək üçün əsaslı addımların atılması zərurətə çevrilib. Riyaziyyat fənninin nəticələrinin aşağı olmaq səbəbi nədir? Bunun qarşısını almaq üçün hansı tədnirlər görülməlidir?
Mövzu ilə bağlı təhsil eksperti Rizvan Fikrətoğlu Crossmedia.az-a açıqlama verib:
“Riyaziyyat fənni nəticələrinin aşağı olmasını biz də müşahidə edirik və bu illərdir belədi. Müəllimlərin işə qəbul imtahanında ibtidai sinif müəllimləri humanitar fənnlər üzrə imtahan verir və riyaziyyat arxa planda qalır. Düşünürəm ki, ibtidai sinif müəllimləri riyaziyyatdan da imtahan verməlidirlər. Çünki uşaqların riyaziyyatla bağlı ilkin bilikləri güclü olmalıdır. Ümumiyyətlə uşaqlara tətbiq yox mexaniki şəkildə öyrədilməlidir. Bu istiqamətdə müəllim hazırlığı da zəif gedir. Bəzən ucqar rayonlarda müəllim çatışmazlığından aşağı bal toplayan digər fənn müəllimləri riyaziyyat müəllimi kimi işə başlayır bu da metodiki baxımdan yalnışdır. Ümumiyyətlə aşağı sinifdə riyaziyyat bazası olmayan şagirdə yuxarı siniflərdə də heçnə öyrətmək olmur. Müəllim nə qədər savadlı olsa da o uşaq riyaziyyat fənnini qavraya bilmir. Burda da bir düşüncə yaranır ki, “riyaziyyat fənni çətindir”. Hazırda tədris metodları müəyyən qədər sadələşdirilməli və mərhələli şəkildə öyrənilməsinə şərait yaradılmalıdır. Bunun fonunda qiymətləndirmə tək nəticəyə deyil həm də prosesə fokuslanmalıdır”.
Ayhan Ağarzayev
19:17 18.06.2025
Oxunuş sayı: 11985
