Türkiyənin iki şəhərində Heydər Əliyevin xatirəsinə həsr olunan tədbirlər keçiriləcək
Türkiyənin Adana və Kahramanmaraş şəhərlərində Ümummilli Lider Heydər Əliyevin anadan olmasının 102-ci ildönümünə həsr edilən tədbirlər keçiriləcək.
İlk tədbir may 21-də Adana şəhərindəki Heydər Əliyev adına texniki-peşə liseyində baş tutacaq. Türkiyənin Milli Təhsil Nazirliyinin dəstəyi ilə təşkil olunacaq proqram çərçivəsində görkəmli dövlət xadiminə həsr edilmiş inşa və şeir müsabiqələrinin qalibləri mükafatlandırılacaq.
Azərbaycan dövlətçiliyinin memarının xatirəsinə həsr olunmuş digər tədbir isə mayın 23-də Kahramanmaraş şəhərindəki Azərbaycan məhəlləsində yerləşən Heydər Əliyev adına ibtidai məktəbdə keçiriləcək. Tədbirin təşkilatçısı yerli təhsil idarəsidir və onun çərçivəsində Heydər Əliyevə həsr olunmuş sərgilər nümayiş ediləcək.(azərtac)
20:26 19.05.2025
Oxunuş sayı: 10115
