Səfir: "Azərbaycan Qazaxıstan münasibətləri yeni mərhələyə daxil olub"
Azərbaycanla Qazaxıstan arasında münasibətlər keyfiyyətcə yeni müstəviyə keçir.
Crossmedia.az xəbər verir ki, bunu Qazaxıstanın səfiri Alim Bayel Azərbaycan-Qazaxıstan Ekspert Şurasının IV iclası çərçivəsində deyib.
"Ən böyük göstərici qarşılıqlı səfərlər sayıla bilər və biz bu baxımdan dinamikanın yüksək olduğunu görürük. Biz bütün region üçün əhəmiyyətli olan layihələri həyata keçirməkdə davam edirik", - deyə o, Orta Dəhliz layihəsinin inkişaf dinamikasını diqqətə çatdırıb.
Diplomat söyləyib ki, COP29 iqlim konfransı çərçivəsində Azərbaycan, Qazaxıstan və Özbəkistan yaşıl enerjinin nəqli üçün dərin dəniz elektrik kabelinin çəkilməsi haqqında saziş imzalayıblar.
"Ticarətdən danışarkən vurğulamaq istəyirəm ki, ötən il Azərbaycan taxılın 80 faizini Qazaxıstandan alıb. Bu, həm də ikitərəfli əməkdaşlığın yüksək səviyyəsindən xəbər verir", - o deyib.
Kənan Novruzov
10:30 23.04.2025
Oxunuş sayı: 718
