"Putinin sözlərinə yox, hərəkətlərinə baxacağıq" – Ukrayna XİN
Ukraynanın Xarici İşlər Nazirliyi Rusiya Prezidenti Vladimir Putinin atəşkəslə bağlı açıqlamalarına münasibət bildirib.
Crossmedia.az Ukrayna mətbuatına istinadən xəbər verir ki, Ukrayna XİN rəhbərinin sözlərinə görə, rəsmi Kiyev atəşkəslə bağlı mövqeyini hələ martın 11-də Ciddədə aydın şəkildə ortaya qoyub:
“Ukraynanın mövqeyi aydın və ardıcıl olaraq qalır: martın 11-də Ciddədə biz ABŞ-ın 30 gün müddətinə tam müvəqqəti atəşkəs təklifi ilə qeyd-şərtsiz razılaşdıq”.
Bununla yanaşı, o, Putinin atəşkəsə hazır olması ilə bağlı verdiyi bəyanatları tənqid edib:
“Putin atəşkəsə guya hazır olması ilə bağlı bəyanatlar verdi. 30 gün əvəzinə 30 saatlıq atəşkəs seçildi. Təəssüf ki, onun sözləri ilə hərəkətləri bir-birinə uyğun deyil”.
Nazir sonda bildirib ki, Ukrayna Rusiya liderinin sözlərinə deyil, əməli fəaliyyətinə əsaslanacaq:
“Biz onun sözlərinə güvənmirik – biz sözlərə deyil, hərəkətlərə baxacağıq”.
22:45 19.04.2025
Oxunuş sayı: 7273
