CHP-nin Fələstin yürüşü səbəbindən İstanbulda bəzi metro stansiyaları bağlanacaq
CHP-nin şənbə günü keçirəcəyi Fələstinə dəstək yürüşü ilə əlaqədar İstanbul Valiliyi bəzi metro dayanacaqlarını bağlamağa qərar verib. Yenikapı–Hacıosman xəttinin Taksim və Şişhane stansiyaları, eləcə də Taksim–Kabataş funikulyor xətti saat 15:00-dan etibarən fəaliyyətini dayandıracaq.
Crossmedia.az xarici mediaya istinadən bildirir ki, metro İstanbulun məlumatına görə, qatarlar Taksim və Şişhane stansiyalarında dayanmadan hərəkət edəcək. Tüneldən Taksimə gediş isə saat 19:00-da başlayacaq. CHP İstanbul İl sədri Özgür Çelik yürüşlə bağlı “Fələstini çaydan dənizə qədər azad edin!” şüarı ilə çıxış edib.
Bununla belə, İstanbul Valiliyi CHP-yə tədbirin planlaşdırıldığı marşrut üzrə keçirilməsinin məqsədəuyğun olmadığını bildirib. Qeyd edək ki, valilik daha əvvəl fevralda CHP-nin analoji yürüş müraciətini rədd etsə də, yanvarda eyni ərazidə hökumətə yaxın TÜGVA-nın aksiyasına icazə vermişdi
Zəhra Ağayeva
16:45 19.04.2025
Oxunuş sayı: 837
