“Dövlət dəstəyi ilə istehsal ediləcək film layihələri” müsabiqəsinin reqlamenti açıqlanıb
Mədəniyyət Nazirliyi və Azərbaycan Respublikasının Kino Agentliyinin elan etdiyi “Dövlət dəstəyi ilə istehsal ediləcək film layihələri” müsabiqəsinin reqlamenti açıqlanıb.
Crossmedia.az-ın Nazirliyə istinadən verdiyi xəbərə görə , reqlamentə əsasən müsabiqəyə layihələrin qəbulu 15 aprel - 12 iyun tarixləri ərzində http://arka.culture.az saytı vasitəsilə həyata keçiriləcək.
Müsabiqədə Azərbaycanda qeydiyyatdan keçmiş müstəqil prodüser mərkəzləri və müvafiq sahədə fəaliyyət göstərən digər hüquqi şəxslər iştirak edə bilər.
Üç mərhələdən ibarət müsabiqənin nəticələrinin 2 Avqust – Azərbaycan Kinosu Günündə elan edilməsi nəzərdə tutulur.
Qeyd edək ki, müsabiqə film istehsalının stimullaşdırılması və səmərəliliyinin yüksəldilməsi, yerli kinematoqrafçıların təcrübəsinin artırılması, kino sənayesinin və bu sahədə özəl sektorun dəstəklənməsi, müvafiq sahədə fəaliyyət göstərən hüquqi şəxslər arasında rəqabət qabiliyyətinin artırılması məqsədi ilə həyata keçirilir.
15:38 15.04.2025
Oxunuş sayı: 1013
