Makron İranın nüvə proqramı ilə bağlı təcili toplantı keçirdi
Paris, Fransa – Fransa Prezidenti Emmanuel Makron bu gün İranın nüvə proqramını müzakirə etmək üçün əsas nazirləri və ekspertləri bir araya toplayıb. Crossmedia.az xəbər verir ki, bu barədə "Reuters" agentliyi üç diplomatik mənbəyə istinadən məlumat yayıb.
Məlumatda bildirilir ki, Tehran və Vaşinqton arasındakı gərginliyin artması fonunda keçirilən bu cür görüşlər nadir hallarda baş verir. Avropa ölkələri, xüsusilə də Fransa, İranın nüvə obyektlərinə qarşı ABŞ və İsrailin mümkün hava zərbələri endirə biləcəyi ehtimalından narahatdır.
Görüşün detalları hələlik açıqlanmasa da, ekspertlər hesab edirlər ki, Paris İranın nüvə proqramı ətrafında baş verən hadisələrə daha aktiv müdaxilə etməyə çalışır. Fransa hökumətinin bu məsələ ilə bağlı rəsmi mövqeyinin yaxın günlərdə bəyan ediləcəyi gözlənilir.
10:17 03.04.2025
Oxunuş sayı: 512
