Husilər: “ABŞ-nin Yəmənə hücumları İsrailə qarşı əməliyyatlarımıza təsir etməyəcək”
Yəmənin “Ənsarallah” hərəkatının siyasi bürosunun üzvü Məhəmməd əl-Buheyti bildirib ki, ABŞ-nin Yəmənə endirdiyi zərbələr husilərin İsrailə qarşı hərbi əməliyyatlarını dayandırmayacaq.
“Amerikanın Yəmənə hücumları bizim hərbi əməliyyatlarımıza təsir etməyəcək, biz Vaşinqtonla hərbi qarşıdurmanı davam etdirəcəyik”, – deyə əl-Buheyti *“RİA Novosti”*yə müsahibəsində bəyan edib.
Crossmedia.az xarici mediaya istinadən xəbər verir ki, onun sözlərinə görəmünaqişənin genişlənməsinə görə məsuliyyət ABŞ-nin üzərinə düşür, çünki Vaşinqton birinci olaraq Yəmənə hücum edib. Husilərdən İsrailə qarşı əməliyyatları dayandırmağı tələb etməyi isə “ədalətsiz” adlandırıb.
Əl-Buheyti əlavə edib ki, ABŞ Ərəbistan və Qırmızı dənizlərdə gəmiçiliyi təmin etməkdə acizdir və ciddi ziyan görüb. Onun sözlərinə görə, əgər Vaşinqton regionda həqiqi sülh istəyirsə, İsrailə təzyiq göstərməli, atəşkəs rejiminin bərpasına və Qəzzə sektoruna humanitar yardımların çatdırılmasına nail olmalıdır.
Mədinə Cəlilova
22:00 02.04.2025
Oxunuş sayı: 1547
