Daily Mail: “İran Britaniya-ABŞ bazalarına hücum etsə, SEPAH məhv ediləcək”
Tehran ABŞ-nin İrana mümkün hücumlarının qarşısını almaq üçün Britaniya-Amerika hərbi bazalarına, o cümlədən Dieqo Qarsiya adasına qabaqlayıcı zərbələr endirə biləcəyini bəyan edib.
Crossmedia.az “Daily Mail” istinadən xəbər verir ki, Britaniya hərbi kəşfiyyatının sabiq rəhbəri Filip İnqram bildirib ki, İranın bu istiqamətdə atacağı addım Yaxın Şərqdə genişmiqyaslı müharibəyə səbəb ola bilər. Bununla belə, o, İranın təhdidlərinin reallığı əks etdirmədiyini də vurğulayıb.
İnqramın sözlərinə görə, əgər İran bu hücumu gerçəkləşdirsə, İsrailin də ABŞ ilə birlikdə hərəkət edəcəyi və İran ərazisindəki hərbi obyektlərə cavab zərbələri endirəcəyi ehtimal edilir. O əlavə edib ki, Tehran nəzəri olaraq Dieqo Qarsiyaya hücum etmək gücünə malik olsa da, ABŞ buna cavab olaraq SEPAH-ı tamamilə məhv edəcək.
Mədinə Cəlilova
19:59 02.04.2025
Oxunuş sayı: 6128
