İsrail HƏMAS-ın infrastrukturuna zərbələr endirib, Rəfahda əməliyyatlar genişləndirilib
Aprelin 2-nə keçən gecə İsrail Müdafiə Qüvvələrinin Hərbi Hava Qüvvələri və artilleriyası Qəzza zolağının cənub və mərkəzi hissələrində HƏMAS-ın infrastrukturuna irimiqyaslı zərbələr endirib.
Crossmedia.az xarici mətbuata istinadən bildirir ki, bunun ardınca İsrail ordusunun quru qoşunları iki gün əvvəl əhalisinə şəhəri tərk edərək humanitar zonaya köçmək əmri verilən Rəfahda əməliyyatlarını genişləndirməyə başlayıb.
Müdafiə naziri İsrael Katz HƏMAS-ın infrastrukturunun məhv edilməsi və təhlükəsizlik zonasının genişləndirilməsi üzrə əməliyyatın genişləndirildiyini açıqlayıb.
Katz Qəzza sakinlərini HƏMAS-a qarşı ayağa qalxmağa və qaçırılan israilliləri geri qaytarmağa çağırıb və bunun müharibəni bitirməyin yeganə yolu olduğunu vurğulayıb.
Çinarə Tarverdiyeva
12:00 02.04.2025
Oxunuş sayı: 8161
