Ermənistanın keçmiş hərbi rəhbərləri səhlənkarlıqda ittiham olunur
Ermənistan Silahlı Qüvvələrinin Baş Qərargahının keçmiş rəisi, general-polkovnik Movses Akopyan və Ermənistan ordusunun Raket Qoşunları və Artilleriya İdarəsinin keçmiş rəisi, general-mayor Armen Arutyunyan səhlənkarlıqda ittiham olunurlar.
Crossmedia.az Ermənistan KİV-inə istinadən bildirir ki, Movses Akopyanın səhlənkarlıqda ittiham olunmasının səbəbi Ermənistanın Rusiyadan 9 il əvvəl yararsız hərbi texnika almasıdır.
Müqavilə Akopyan tərəfindən imzalanıb və nəticədə 4,5 milyard dramdan (təxminən 11 milyon dollar) çox dəyərində avadanlıq alınıb.
İndi Ermənistanın Baş Prokurorluğu Akopyan və Arutyunyandan dövlətə dəymiş ziyana görə təqribən 4,5 milyard dramın müsadirə edilməsini tələb edir.
Çinarə Tarverdiyeva
11:28 02.04.2025
Oxunuş sayı: 663
