İran BAEA-dan nüvə obyektlərinə mümkün zərbələr barədə dəqiq mövqe istəyir
Dünən Beynəlxalq Atom Enerjisi Agentliyinin (BAEA) baş direktoru Rafael Qrossi ilə İranın xarici işlər naziri Abbas Əraqçı arasında telefon danışığı baş tutub.
Crossmedia.az “Mashregh News”-a istinadən xəbər verir ki , onlar Tehran və agentlik arasında əməkdaşlığın son vəziyyətini müzakirə edib.
Söhbət zamanı Abbas Əraqçı deyib ki, agentlik "İslam Respublikasının “dinc nüvə obyektlərinə” qarşı təhdidlərlə bağlı aydın mövqe tutmalıdır və o, İranın nüvə proqramını qorumaq üçün bütün lazımi tədbirləri görəcəyini" vurğulayıb.
Rafael Qrossi öz növbəsində qeyd edib ki, BAEA həll edilməmiş məsələlərin həlli üçün digər tərəflərlə məsləhətləşmələr aparacaq. Bildirilib ki, Tehran Qrossinin Tehrana səfər etmək istəyi ilə də razılaşıb.
Nuray Mikayıllı
11:05 02.04.2025
Oxunuş sayı: 7052
