Litvada itkin düşən amerikalı hərbçinin cəsədi tapılıb
Litvada keçirilən təlimlər zamanı itkin düşən ABŞ ordusunun dördüncü hərbçisinin cəsədi aşkarlanıb.
Crossmedia.az xəbər verir ki, bu barədə ABŞ-nin Avropa və Afrika ordusunun komandanlığı məlumat yayıb.
Məlumata görə, 3-cü piyada diviziyasının 1-ci zirehli briqadasının döyüş qrupuna aid hərbçi Pabrade poliqonu yaxınlığında ölü halda tapılıb.
Xatırladaq ki, martın 25-də səhər saatlarında ABŞ ordusuna məxsus M88 Hercules zirehli maşınının dörd nəfərdən ibarət ekipajı itkin düşüb. Daha sonra məlum olub ki, onlar marşrutdan kənara çıxıb və texnika xəritələrdə qeyd olunmamış torf bataqlığında batıb.
Qeyd edək ki, martın 31-də batmış zirehli maşın sudan çıxarılıb.
Fatimə Məmmədova
23:35 01.04.2025
Oxunuş sayı: 981
