Türkiyə Suriyada yeni hərbi baza qurur
Türkiyə, Suriyanın mərkəzində yerləşən T4 aviabazasında hava hücumundan müdafiə (PVO) sistemlərini yerləşdirməyi planlaşdırır.
Crossmedia.az bildirir ki, bu addım İsrailin hücumlarının qarşısını almaq və Suriya ərazisinə olan hücumlarını məhdudlaşdırmaq məqsədi daşıyır.
Məlumata görə, Türkiyə bazaya yerli istehsal olan “Hisar” hava hücumundan müdafiə sistemlərini yerləşdirməyi planlaşdırır. Bu strategiya, bölgədəki hava təhlükəsizliyini gücləndirmək və İsrailin potensial hücumlarını əngəlləmək üçün nəzərdə tutulub.
Qeyd edək ki, T4 aviabazası Suriyanın ən böyük hərbi hava bazalarından biri hesab edilir və əvvəllər İran qüvvələri tərəfindən də istifadə olunub. Türkiyənin bu addımı isə, bölgədəki geosiyasi balanslara təsir göstərə bilər.
Fidan Xəlilova
22:21 01.04.2025
Oxunuş sayı: 10971
