Ukrayna Avropa Komissiyasından 3,5 milyard avro maliyyə yardımı aldı
Ukrayna Avropa Komissiyasından Ukraine Facility makromaliyyə proqramı çərçivəsində növbəti 3,5 milyard avro tranşını alıb.
Crossmedia.az xəbər verir ki, bu barədə ölkənin baş naziri Denis Şmıqal sosial şəbəkələrdə məlumat verib.
Onun sözlərinə görə, proqram çərçivəsində Ukraynaya göstərilən ümumi maliyyə yardımının məbləği artıq 19,6 milyard avroya çatıb.
Qeyd edək ki, Avropa İttifaqı Şurası martın 17-də bu vəsaitin ayrılmasını təsdiqləyib. Bildirilir ki, Ukrayna üçüncü ödənişi almaq üçün tələb olunan 13 islahatı həyata keçirib. Bunlar arasında bərpa olunan enerji mənbələrindən istifadənin artırılması və strateji əhəmiyyətli xammal siyahısının hazırlanması kimi addımlar da var.
Fatimə Məmmədova
20:35 01.04.2025
Oxunuş sayı: 6493
