Malayziyada dəhşətli qaz partlayışı: 112 yaralı
Malayziyanın Selangor əyalətində yerləşən Putra Heights bölgəsində təbii qaz kəmərində partlayış baş verib.
Crossmedia.az xarici KİV-ə istinadən xəbər verir ki, partlayış nəticəsində 112 nəfər xəsarət alıb, 49 evə ciddi ziyan dəyib.
Partlayışdan sonra başlayan və saatlarla davam edən yanğın ətrafdakı evlərə və avtomobillərə yayılıb. Hadisə yerinə cəlb olunan yanğınsöndürmə briqadaları sakinləri təxliyə edib.
Selangor Yanğın və Xilasetmə İdarəsinin yaydığı açıqlamada partlayışdan sonra boru kəmərində qaz axınının dayandırıldığı bildirilib.
Partlayışın dəqiq səbəbi ilə bağlı təhqiqat aparılır.
Sosial mediada paylaşılan görüntülərdə güclü alov buludlarının səmaya yüksəldiyi əks olunub. Rəsmi qurumlar əhalini təhlükəsizlik tədbirlərinə riayət etməyə çağırıb.
14:41 01.04.2025
Oxunuş sayı: 6378
