İlon Mask: "Konqres üzvlərinin necə bu qədər varlandığını araşdıracağıq"
Amerikalı milyarder İlon Mask Kapitoli təpəsindəki qanunvericilərin nisbətən çoxda böyük olmayan dövlət maaşlarına baxmayaraq, necə bu qədər varlandığını araşdırmaq istəyir.
Crossmedia.az New York Post nəşrinə istinadən xəbər verirki Viskonsində keçirilən ictimai yığıncaqda çıxış edən Mask bildirib ki, onun Hökumətin Effektivliyi Departamenti (DOGE) bir neçə il ərzində qəribə şəkildə varlanan bəzi Konqres üzvləri ilə bağlı araşdırma aparacaq.
Yığıncağın iştirakçılarından biri Maskdan ABŞ-nin Beynəlxalq İnkişaf Agentliyinin (USAID) vəsaitlərinin Nümayəndələr Palatasının üzvü Maksin Uotersə, senator Adam Şiffə və Senatın azlıq lideri Çak Şumere ötürülməsi ilə bağlı hər hansı sübut tapılıb-tapılmadığını soruşub.
“Onlar [hökumət] vəsaitləri xaricdəki bir QHT-yə göndərəcək, sonra bu pullar bir neçə başqa təşkilatdan keçəcək və mən tam əminəm ki, bu vəsaitlərin bir hissəsi yenidən ABŞ-yə qayıdacaq və siz qeyd etdiyiniz şəxslərin cibinə düşəcək” – Mask cavab verib.
O, əlavə edib ki, bu, dolayı yolla baş verir və birbaşa həyata keçirilmir, lakin “Konqresdə bir çox qəribə dərəcədə varlı insanlar var və mən bu parçaları bir yerə yığıb onların necə bu qədər varlandığını öyrənməyə çalışıram”.
“Onlar necə 20 milyon dollar qazanırlar, əgər illik maaşları 200 min dollardır?” – deyə Mask sual verib. “Biz bu məsələni araşdırmağa və, əlbəttə ki, qarşısını almağa çalışacağıq” – o əlavə edib.
Zəhra Məmmədova
19:30 01.04.2025
Oxunuş sayı: 5760
