Cənubi Koreya Rusiyaya qarşı sanksiyaların ləğvinə hazırdır
Cənubi Koreya Rusiyaya qarşı tətbiq edilən sanksiyaların ləğv olunmasına və iki ölkə arasında ticarət əlaqələrinin bərpa edilməsinə hazır olduğunu açıqlayıb. Lakin Seul bu addımı yalnız ABŞ-ın da eyni mövqeyi sərgiləməsi halında atacağını bildirir.
Crossmedia.az xarici KİV-ə istinadən xəbər verir ki, bu barədə Koreya Ticarət Nazirliyi RİA Novosti-yə məlumat verib. Nazirlik qeyd edib ki, sanksiyaların yumşaldılması və ya tam ləğvi üçün beynəlxalq razılaşmalar və əsas tərəfdaş ölkələrin qərarları həlledici rol oynayacaq.
Xatırladaq ki, Ukrayna müharibəsi səbəbindən Qərb ölkələri və onların müttəfiqləri Rusiya iqtisadiyyatına qarşı bir sıra məhdudiyyətlər tətbiq edib. Cənubi Koreya da bu sanksiyalara qoşulan ölkələrdən biri olub.
12:25 01.04.2025
Oxunuş sayı: 6504
