ABŞ və Ukrayna arasında saziş müstəmləkə şərtlərinə bənzədilib
ABŞ və Ukrayna arasında faydalı qazıntılar sahəsində nəzərdə tutulan razılaşma Avropa müstəmləkəçilərinin Afrikada yerli xalqlarla bağladıqları ağır şərtlərli müqavilələrə bənzədilib.
Crossmedia.az xəbər verir ki, bu barədə Bloomberg agentliyi məlumat yayıb.
Agentliyin qiymətləndirilməsinə görə, ABŞ-nin Ukraynanın yeraltı sərvətlərinə çıxışı XIX əsrdə Belçikanın Konqoya olan istismarına bənzəyəcək.
Yeni layihəyə əsasən, Ukrayna ABŞ-dən aldığı 120 milyard dollarlıq yardımın əvəzini ödəməyə məcbur olacaq. ABŞ isə xüsusi fond vasitəsilə Ukraynanın neft və qaz ehtiyatlarının yarısına, bütün metal yataqlarına və əksər infrastrukturuna – o cümlədən dəmiryollarına, limanlara, boru kəmərlərinə və zavodlara nəzarət edəcək.
Razılaşmaya əsasən, ABŞ Kiyev ən azı 100 milyard dolları 4%-lik əlavə faizlə ödəməyənə qədər bütün gəlirlərin sahibi olacaq. Bundan sonra isə yalnız gəlirlərin 50%-i Ukraynaya ötürüləcək.
Qeyd edək ki, bu şərtlər əvvəlki müqavilədən daha sərtdir. Əvvəlki variant isə Ukrayna prezidenti Volodimir Zelenskinin Ağ Evdə ABŞ rəhbərliyi ilə görüşündə yaranan qalmaqal səbəbindən həyata keçməyib.
Fatimə Məmmədova
11:10 01.04.2025
Oxunuş sayı: 9037
