İllər sonra açıqlandı: Zelenski Baydeni bu hərəkəti ilə qoxutmuşdu
ABŞ-nin keçmiş prezidenti Cozef Baydenin administrasiyası Ukraynanın 2022-ci ildə Rusiyanın Qara dəniz donanmasının flaqmanı olan "Moskva" kreyserini batırmasından sonra qəzəb, təəccüb və panika yaşayıb.
Crossmedia.az xəbər verir ki, bu barədə xarici KİV yazıb.
Məlumata görə, 2022-ci il aprelin 14-də Ukrayna silahlı qüvvələri iki R-360 "Neptun" gəmi əleyhinə raketi ilə "Moskva" kreyserinə zərbə endirərək onu batırıb. Bu hücum Ukraynanın müharibənin erkən mərhələsində qazandığı ən mühüm qələbələrdən biri olub və Rusiyanın Qara dəniz donanmasına ciddi zərbə vurub.
Mənbələr bildirir ki, hücum baş verən zaman ABŞ və Ukrayna dəniz zabitləri arasında kəşfiyyat məlumatlarının paylaşılması ilə bağlı bir zəng olub. Amerikalı hərbçilər radarlarda gəminin batdığını müşahidə etdikdə, ukraynalı zabitlər sadəcə "Aman Tanrım. Çox sağ olun. Sağ olun" cavabını veriblər. “The New York Times” məşri yazır ki, ABŞ administrasiyası bu hücumdan öncədən xəbərsiz olub. Onlar nəinki Ukraynanın belə bir əməliyyat həyata keçirəcəyini gözləmirdi, hətta Kiyevin Rusiyanın hərbi gəmisini batıra biləcək silahlarının olduğunu da bilmirdi.
Bayden administrasiyası Ukraynanın "Rusiyanın gücünün rəmzi olan" bu gəmini hədəfə almasını istəmirdi. Vaşinqton müharibənin əvvəlindən etibarən Kiyevi silahlandırmaqla yanaşı, Moskva ilə daha genişmiqyaslı qarşıdurmadan qaçmağa çalışır.
Xumar Emilqızı
19:10 31.03.2025
Oxunuş sayı: 5702
