Aİ potensial ölümcül yan təsirlərə görə yeni Alzheimer dərmanını rədd edib
Avropa Dərman Agentliyi (EMA) Kisunla adlı dərmanın təsdiqini təhlükəli yan təsirlərə görə dayandırıb.
Crossmedia.az xarici mediaya istinadən bildirir ki, Eli Lilly şirkəti tərəfindən istehsal edilən və ABŞ-də təsdiqlənmiş Donanemab dərmanı Avropa İttifaqında qəbul edilməyib. EMA ekspertləri dərmanın beyində şişkinlik və qanaxma kimi ağır yan təsirlər doğura biləcəyini əsas gətirərək onun faydalarının riskləri üstələmədiyini bildiriblər.
Kisunla Alzheimer xəstəliyinin inkişafını yavaşlatmaq üçün nəzərdə tutulsa da, son klinik sınaqlarda üç xəstənin ciddi yan təsirlərdən öldüyü müəyyən edilib. Eli Lilly yalnız müəyyən gen daşıyıcısı olmayan xəstələr üçün istifadənin məqbul olduğunu irəli sürsə də, bu, EMA-nı qane etməyib.
Avropa Komissiyasının 67 gün ərzində agentliyin tövsiyəsi əsasında yekun qərar verməsi gözlənilir.
Zəhra Ağayeva
19:56 28.03.2025
Oxunuş sayı: 1058
